ຄຳຜູກແຂນ
ສຣີໆ... ສິທທິພຣະພອນ ບໍວອນວິເສດ
ຝ້າຍແກ້ວເກີດມຸງຄຸນ ປຸນລົງມຕົກແຕ່ງ ກວັດອີ້ວແກວ່ງກົງຫຼາ ຜັດອອກມາເປັນຫຼອດ
ຖອດອອກມາເປັນປຸ໋ຍ ສຸຍອອກມາເປັນເສັ້ນ ເສັ້ນແຫຼະສີພັນຄຳ ເປັນດັ່ງແກ້ວມຸກຄຳໃສສ່ອງ
ງາມອ່ອງຕ່ອງສ່ອງໃສ ເທິງນອກໃນລ້ຳເລີດ ຝ້າຽແກ້ວເກີດເມືອງສວັນ ປັນໃຫ້ຜູ້ຂ້າມາຜູກແຂນ.... ວ່າມາເຢີ້ຂວັນເອີ້ຽ
ຂວັນເຈົ້າໄປມຸດສະນ້ຳໃຫຍ່ກິນປາ ກໍ່ໃຫ້ມາສາມື້ນີ້ວັນນີ້
ຂວັນເຈົ້າໄປກິນເຫຼົ້ານຳໝູ່ນຳຝູງ ກໍ່ໃຫ້ມາສາມື້ນີ້ວັນນີ້..ມາເຢີ້ຂວັນເອີ້ຽ
ຂວັນເຈົ້າໄປຢູ່ຖ້ຳນຳພຍາງູ ກໍ່ໃຫ້ມາສາມື້ນີ້ວັນນີ້
ຂວັນເຈົ້າໄປຢູ່ຮູນຳພຍານາກ ກໍ່ໃຫ້ມາສາມື້ນີ້ວັນນີ້
ຂວັນເຈົ້າໄປລຳບາກນຳໝູ່ຜີຕາຽ ກໍ່ໃຫ້ມາສາມື້ນີ້ວັນນີ້..ມາເຢີ້ຂວັນເອີ້ຽ
ຍາມເມື່ອຕາເວັນຕົກລັບປ່າແຊງ
ຍາມເມື່ອຕາເວັນແດງລັບປ່າໄມ້ ຂວັນເຈົ້າໄປຢູ່ຫົນເໜືອຫຼືໃຕ້ ກໍ່ໃຫ້ມາສາມື້ນີ້ວັນນີ້
ຄັນວ່າເຈົ້າມາຮອດແລ້ວ ໃຫ້ເຈົ້າຢູ່ສວັດດີ
ມີຄວາມສຸກຄວາມຈເຣີນ ຄວາມເຈັບເຈົ້າຢ່າໄດ້ ຄວາມໄຂ້ເຈົ້າຢ່າມີ ໃຫ້ເຈົ້າໄດ້ເປັນເສຖຖີ
ເປັນມະຫາເສຖຖີ ມີອາຍຸວັນນະ ສຸຂະ ພະລະ
ປະຕິພານ
ທະນະສານສົມບັດທຸກປະການ ນອນຫຼັບໄດ້ເງິນໝື່ນ ຕື່ນຂຶ້ນໄດ້ເງິນແສນເງິນລ້ານ
ຢ່າງອອກຈາກບ້ານ ໂຊກໄຫຼຫຼັ່ງມາໂຮມ ເຈົ້າເດີ້ ໂອມ ອຸ ອະ ມຸ ມະ ມູລລະມາ ສະທາໂສຕຖີ
ພະວັນຕຸເຕ